በገና

በገናው ዌትርስቱንኩ አኹኪ
ቤቴርስቱንኩ ጌሜድካዴስ ጊቢስታው
ኽታዊኒ ዜሜው ሜሳሪያኽ:: በገና
ግዝስኪላ እንዚራ እስታማ አቕስቴ:: 90
ሴንቲ ሜትርዴስ 140 ሴንቲ ሚትሮ ኺስታ
ሌጌሴምት ዝኩኽስታ 10 አውትርካ ዝኩኑ
ይቶፒያው ባይሉ ሙዚካው ሜሳሪያኽ::
አለካ ኪዳነ ወልድ ክፍሌ “መፅሃፋ
ሰዋሰው ወግስ መዝገበ ቃል ሐዲስ” ናው
ሜፃፍዳ በገና እብራይስቱ ኮንኪስ “ናጌን”
ንጝኪላ ታስኾ፣ ዳራዳርኾ ንጝ አኽጝ
ጌሌፅስታ::
በገና ንጝ ዳራዳርጝ ንኽያኽ:: እን
አኽጝስኪላ በገና ንጝ ዳራዳርጝ፣ ምስጋኒ፣
መዝሙር ንጝስ ሊሊትጙንኩ ፅናትኩ
ፁፍካ ሜፃፍ ክዱሶ ቴኬምስትካማ
ኽይካ::
በገና ጊቢስቱስ ሳንዱክዴስ ፣
ሙሲሲኒዴስስታ ካኒስዴስ ጊቢስቴ::
ሳንዱክ ታይካው አኹኪ ክምካው አይስ
ሾፌንስቴ:: ድዝስታ ትዝ ናማ ድምፆ
እያታኪላ 10 ታንኩታንኩ ኑንኩ አይዴስ
አኹኪ ታይካው ዝርዴስ ጊቢስቴ:: 10
አውትርካ 10 ኦሪትኩ ካልካው ምሳሌኽ::
ሳንዱክ ዴሜካ ማቢቴ ድንግላ ማርያሙ
ምሳሌኽ::
በገና ዋኒስታ ዋትጛይ ጄሜርኹ አኽጝ
ማሊስታውላስ ይጉኒኪላ ሜፃፍ ክዱስዳ
አባላምቲዳ ጌሌፅስታማ አግስታው
ምስጋኒው አኹኪ ዜሚው ሜሳሪ በገና
ይቢቺ አኽⶓ ንባርካ ቶኬማና::
ናካ አንቤብፅጝስ ፋኑኽኪላ አሚኮ
ግዙ ቴርት ቤናሊ እጂጜ ፄውንኩ
በገናው ክንትፃንቲ መጋቤ ስብሃት
አለሙ አጋ በገናሊ ዝኩኹሳ ታምትጜ
ካንትኹስያኽ::
መጋቤ ስብሃት አለሙ አጋ በገናዋ
ዴስጙኑ 12 አሜት ድሚስ አኽⶓ ጌሌፅካ::
በገናዋ ክንትፁንኩኪላ አለካ ተሰማ
ወልደ አማኑኤል እስታንኩ ታብልያኽ::
አክሱም ፅዮኑ አሜታዊ በአል ኬቤርስቱስ
ከዳማዊ አፄ ሀይለ ስላሴ በገና ኽሳንቲ
አጌሩ ማኺቲያኽ:: ድስጝ ቱስታላኽ፣
ክምንትዴስ ክምንትሾ ፌያፌይጛታ
ካንትፃንታ ትዛዞ እይካማ አለከ ተሰማ
ወልደ አማኑኤልኪላ ሽሮ ሜዳ አማሃ
ደስታ ክንቲ ጝናዳ እንጅኩፄ ፄውⶓ መጋቤ
ስብሃት እርዳትፅካ::
መጋቤ ስብሃት በገናዋ ክንትጝስ
ጉሽጝፅኹኪላ ሽሮ ሜዳዳ አግስታው
አማሃ ዳስታ ክንቲ ጝና ዝኩዋኑ ጝንሊ
ዲጊ እሺኹ አኽጝስ ክማ ስግላ ዙራዙራማ
ክንታንታ ክርፂ አኺኒ እሺኹ አኽⶓ
ዙሜካ:: በገናስታ ይቶፒያው ታሪክ