ዘውዴ በካሉ
ላሲ እስታውሳ ስሞ አግፁኽ ካናዳው ዱሪ ዋልታ ቼፍካዋ፣ ፊደልካዋስታ ኬሌምካዋ እምፕል ዲኪካዳ ሼሽጝስ ዊፅⶓ አል-አይን ዜጌባ:: ብሪቲሽ ኮሎምቢያው ዱሪ ቼና ቼፍካዋ፣ ኬሌምካዋስታ ፊደልካዋ ሼሽጝስ ካሊጝስ ጊነየስ ወርድል ሪከርድስዳ ሜዜጌብስታ:: ጋብራይኦላ ደሴትቲ ዝኩዋንታ ታኹት ኢሚሊ ካራንግተን ፌይኹ አሜትዳ እንኩላሎ አሜሬትጝስ ታክስታታ አንኩዋ ሀይሊንኩሳ ዱርካዋ ጄውⶓስታ ዱርካ ቼፎስታ ፊደሎ ሼሻንታ ሴሌቴንፅⶓ ጄሜርቱት አኽⶓ ዙሜ:: “ሴሌቴንፅኹ ቼፎስታ ፊደሎ ጐሌልካማ ፍሻንታ እሺኾ፣ እሊኩሳ ሜንችካ ፊደልካዋ ዴሜካኒኪላ ጉሸንታ” ሴሌቴንፁክሳ ፊደልካዋ ጐሌልካማ ጉሽካ ኒስ ካሪንግተን ዙሚⶓ ዩናይትድ ፕሬስ ኢንተርናሽናል ዜጌባ::
ብሪንግተን ውላጊ ዱርካ እምፕል ደኪካኻዳ ትርኢቶ ካንትፅጝስ ጊነስ ወርልድ ሪከርድዳ ሞኬራንታ ዎሴንታ:: ዱርካዴስ እምፕል ያኹኽ ላሲ ዋልታ ቼፍካዋ፣ ፊደልካዋስታ ኬሌምካዋ እምፕል ደኪካዳ ሼሽጝስ አኹኪ ጐሌልጝስ ዊፃ:: ትርኢቱ ሊሊታ ያኽጝ ጊነሱ ወርልድ ሪከርድ ስካዌ ዜርፎ ፌቴራታ ፄዋ:: ዘ ቲንኪንግ ቺክን አኹኪ አስላሳይ ዶሮ ናው ዩቲዩቡ ቻናልዳ ዱርኮውሳ ስልታኔ ካንትፂስ እጂቲት ካሪንግተን ስካዊ ዜርፍ ፌቴርስትጝ ላሲውሳ አቕቶ ካንትፃው አኽጝስ ዴስቴና አኽⶓ ዙሜ::
“ዱርካ ናኪስቱንኩ ንሴስካኽ:: ዲብኩፂ ቲሪጝ እናና ታክስኑኒጊ ብላፅካ ንሴስካኽ:: እሊኩሳ ንሴስካዋ ካንታታ ዱርካዋ ካንታኒ ኬሹንኩያኽ ናታ ታክሴ” ኔ ካሪንግተን::