ታደለ አጋጄ
2025ው አፍሪካው ዋንቺ ሞሮኮው ቴርሳንትስ ካስጜ። ልኺትጚዳ አሴቴፍጝስ አጌርካ ምድብስ ዳላዳስትካማ ፃንኩንፄ እንክሬ ካስጝፄካ። ቴርሳንታ ሞሮኮዋ ዴሜካማ 2025ው ዋንቺስ ቢኩንኩ 24 አጌርካኪላ ጎሌልስትካ።
ዜሬቕቲኒ ልኩ ኩታው ልቕልቕቲ ካንትስታው ምስራክ አፍሪካው ቤን 2025ው ዋንቺዳ ሹኻ ዎኬልስታንትካ አግስቴካ። ኡጋንዳ፣ ሱዳንስታ ታንዛኒያ ምስራክ አፍሪካዴስ ሞሮኮው ልኺትጚው ድግስዳ አሴቴፍጛንትካ ያኼካ።
ጛስጛው ዎሬምስ ችግራኻዳ አግስቴት ሱዳን እን ልኺትጚዳ አሴቴፍጝስ ካሊጝ ጋሺስቴ።
ይቶፒያው ብሄራዊ ኬችሊ ምስሊ ምድብዳ እሺቲት ታንዛኒያ ማንዲስቴውላስ ፃንኩፄ እንክሬ ሚዚጊብፂት አጌራ ታኻ።
ምድብዴስ ይሴና ጊኒዋ አሊዲ ልኺትጚዳ ዊፅጝስ አሴቴፍጝስ ቢኬ። ኬች እምፕልዴስ ኮሞሮስስታ ቱኒዚያ፣ ኬች ላጛዴስ ሞሮኮስታ ጋቦን፣ ኬች ሹኻዴስ ግብፅስታ ቦትስዋና፣ ናይጄሪያስታ ቤኒን ዴሜካ ኬች ሴዛዴስ 2025 ሞሮኮው አፍሪካው ዋንቺዳ አሴቴፍጛንኩ አጌርካ ያኼካ። ኬች አንኩዋዳ አልጄሪያስታ ኢኳቶሪያል ጊኒ ፌያኒስ ኬች ዋልታዳ አንጎላስታ ሱዳን ሞሮኮው ልኺትጚዳ አሴቴፍጛንትካ ያኼካ።
ኬች ላጜታዳ ዛምቢያስታ ኮትዲቫር ኬች ሶኼታዴስ ዴሜካ ዲሞክራቲክ ኮንጎስታ ታንዛኒያ ልኺትጚዳ አሴቴፍጛና። ኬች ሴስታዴስ ማሊስታ ሞዛምቢክ፣ ኬችፅካዴስ ካሜሮንስታ ዚምባብዌ፣ዳቡብ አፍሪካስታ ኡጋንዳ ኬች ፅክራ እምፕላዴስ እንቲታኪ ሴኔጋልስታ ቡርኪናፋሶ አሊዲ ኬችዴስ ፌዩንኩ አጌርካ ያኼካ። ይቶፒያ ኬች ሶኼታዳ ዳላዳልስትጝስ ፃንኩፄ እንክሬ ካስጝፂኒውላ ልኺቲጚዳ አሴቴፍጝስ ካሊያ። ኬችዴስኪላ 4 ዋይሚስ ሴዛንቴ አቾ እምቴታ አሌድታ። ሞሮኮው ሌጌድፃንትስ ካስጛው 2025 አፍሪካው ዋንቺኪላ ላጛ አርፍካዴስ ፋሌንጋ ካስጜ።