ሊሊትጙኽ ካሌቕት ዌንካ ኩታው እንክራንትካ

ታደለ አጋጄ

ናካዳ 41 አሚቲ አሜሪካዊ ክሌንት ዴምፕሴ ቤዴራሱ ቶትናሃሙስታ ፉልሃሞ ክሌብካስ እንክራንቲ እሺኹያኽ:: ዴምፕሴ አውሮፓው እዝቡ ቼፍታ 2014 ፍልሃምስ እንክሩስ እሺኹሳ እንክሬ ቲሪፃ::

አሜሪካው ልኩ ኩታው ብሄራዊ ኬችዳ 140 ዴስ ጃላ እንክርካዳ ሴሌፍስታማ እንክራ:: ክሌንት ዴምፕሌ ልኩ ኩታው እንክራንቲ ይቪቺ እሺያ:: ልኩ ኩታዴስ እሊውሾስ  ጐቤዝ ራፐርስታ ጅማንቲያኽ ዲዩስ እስታው ክፅሊ ስምስ እቕስቴ:: ኔዘርላንድኩ ሜምፒስ ዴፓይስታ ኩዋንሲ ፕሮምስ አጄቡኑ ራፑሳ ጅሜ እንፃኽስታ:: 18 አሜታዴስ ቤዴራ ጅምስትኹ ጅሚስ ዩቲዩብስ 2 ሚሊዮንዴስ ጃላ ካንትስታ::

እሊው ካለቕት ዌና ዴሜካ ማንቺስተር ሲቲው ካላካልጛቲ ማኑዌል አካንጂያኽ:: ይሳቡ ክንቲስ ኬፍንኹ ካሌቕት ዌናኽ:: ጊፁ ክንቲው ዜርፍስ ክንትኹ ያኹስ ጚ አጌራ ኔዘርላንድ ብሄራዊ ቴሌብጅንስ ዲጋማ ይሳቡ ክንቲስ ዝኩኽሳ አቕቶ ካንትፃ:: ሊሊትጙንኩ ፖድካስት ፕሮግራምካዳ ዲጋማ ይዝኩዊ እስትኹሳ ይሳቡሳ ካሴ  ሳሴርስ ዙርፁስ ካንትስታ::

ቤዴራሱ ቼልሲውስታ አርሰናሉ ጎሎ ማንዳንቲ እሺኹ ፒተር ቼክ ጐቤዝ ድራም ሙዚኪው እንክራንቲያኽ:: ፒተር ቼከ ሊሊትጙኽ ጅሚው ፕሮግራምዳ ድራሙ ሙዚኪውሳ ሜሳሬ እንክሩስ ካንትስታማ ማይቤራዊ ሚዲያስ ፌያፌይጛ::

እሊው ካሌቕት ዝኩኽ ሊቨርፑሉ ጎሎ ማንዳንቲ አሊሰን ቤካር ልኩ ኩታስ ጐሎ ማንዲጝስ ዝኩኽ ጌሬምፃው ካሌቕትዴስ ላጜትካስ ጊታሮ እንክሬ:: አሊሰን ቤከር ጊታሩ ካሌቐትዴስ ድምክና ጅሜ ጅምጝስኪላ ሚንችካዋ ጌሬምፃ::

ንባር አግስትኹኪ ኢቢሲዴሲያኽ