አዉሮፓዉ ቻንፒዮንስ ሊጉ ዳላዳልጚ

ታደለ አጋጄ

አውሮፓው ቻምፒዮንስ ሊጉ ዳላዳልጚ ይፋ ያኹኻ። አውሮፓው ቻምፒዮንስ ሊግዳ ልኺትጛንኩ ኬችካው ዳላዳልጚ ስንብቶ ሞናኮዳ ይፋ ያኻ። ልኺትጚው ዝቤንዳ አውሮፓው ቻምፒዮንስ ሊጉ ፍፃሚው እንክሪ ሃንጋሪ ቡዳፔስት ፑሽካሽ አሬናዳ ካስጝጛው አኽጝ አቕስታ። አውሮፓው ልኩ ኩታው ማቢሪ ቴርሳውሳ ውላ ክሌብካው ልኺትጚውሳ ዋንቼ ዊፅኹ ቼልሲስ ታክስፂው ሽልማቲ እይስታ። ብራዚሉ እንክራንቲ ካካስታ ስዊድኑ እንክራንቲ ዝላታን ኢብራሂሞቹ ጉሳንትስ ፉኽ ዳላዳልጚዳ 36 ክሌብካ አሴቴፍጛንትካ ያኻና። አውሮፓው ቻምፒዮንስ ሊጉ ዊፃንቲ ፒኤስጂ ባርሴሎናሊስታ ባየር ሙኒክሊ ዳላዳላስታ። ባርሴሎና፣ ባየር ሙኒክ፣ አታላንታ፣ ቶተንሀም፣ ኒውካስትል ዩናይትድ፣ ባየር ሊቨርኩሰን፣ አትሌቲክ ክሌብስታ ስፖርቲንግ ሊዝበን ፈረንሳዩ አብታሜ ኬቾ ፒኤስጂሊ እንክሬ ፄዋና፡፡ አርሰናል ባየር ሙኒክ፣ኢንተር ሚላንስታ አትሌቲኮ ማድሪድሊ ፄዋው እንክሪ ማንዲስታንቲ ያኻ። ኢንተር ሚላን፣ ባየር ሙኒክ፣ አትሌቲኮ ማድሪድ፣ ክሌብ ብሩዥ፣ ኦሎምፒያስ፣ ካራት አልማይቲ፣ ስላቪያ ፕራግ ስታ አትሌቲክ ክሌብ አርሰናልሊ እንክሬ ፄዋንኩ ኬችካኽ፡፡

ሪያል ማድሪድ ማንችስተር ሲቲ፣ ሊቨርፑልስታ ጁቬንትስሊ ዳላዳልስታ። ቼልሲ ዴሜካ ባርሴሎናሊስታ ባየር ሙኒክሊ እንክሬ ካስጝፄ።እን ልኺትጚዳ ጛራ ጛራ ኬች ሶኼታ እንክሬ ፄዌ። ፌይኹ አሜትዳ ጄሜርስትኹ እስካዊ እንክሪው ፎርማት ስሬታስ ኩፕፃኑ ዋይሚስ እምፕላንቲዴስ ሶኼታንቴ አቾ እሚካማ አሌዳንኩ ኬችካ ዊፃማ ፌይጝሾ ፌያና። ሴስታንቲዴስ ላጛርጛ ሴዛንቴ አቾ እሚካማ አሌዳንኩ ጛስጛዋ ዊፃማ ፌይጙሳ እንክሬ ፄውጝስ ዊፃንትካ ይንታው ዙሪሾ አሌቔትጛና። 25 ዴስ 36 አቾ እሜንኩ ኬችካ ልኺትጚዴስ አሴኔቤትጛና።ንጙዊኒ ልኺትጚው ዝቤንዳ እንግሊዝ ዋልታ ኬችካዋ አሴቴፍጝፅጝስ ቤዴራንቲ ያኻ።

ንቫሮ አግፅንኹኪ ኢቢሲስታ አሚኮ ስፖርትዴሲያኽ