ሽልሜዙ ሽወ አበርገሌትል ብጭቕዙ ሩሔድ ማጥቊ

ወይ ኽምረ ብሔረ እቅ ጭሰጭሰን
አቨርገሌ ወረደ ሽልሜዙ ሽወዝ 15 እቅ
ክረነውድ አርቕሽቱ፡፡
አልምቱ ትኽነ ድርጅት መዝየ
29/2022 ሽልሜዝ ማጥን ፊሰው
ሚዝረይዝጘ ፊስኲ፡፡
ሽልሜ ቫይረስዙ ኢንፌክሽንዝ
እትለው ፅዊተዊዝ ትኽንዊዝጎ ቀለውዝ
ከረከረው የጝ፡፡ እቘዝመ እጢስ ሸነውዝ
ፈውጥዝ ምላሰን ሳልጥ ትኒተው የጝ::
ፅውዘድ ኽይጠዝ መልቊ እፈርድ
ቘይዘው አቓንድ ዲቊዲቊም ኽየቊድም
ቘይዘኩ፡፡ ፅውዘድ ቃዚ ክትቫትዝመ
ኽክምነ ይውሽትየውዜ ክርጘ ቲክንዘው
የጝ፡፡ ሽልሜ ፅውዝጅነዙ ኽርተይል
ቫይረስድ ሊጘ ሰቲል አሽ ዊነው አቐነዊዝ
ላዘ እጅር ጥዋን ፃይሽነው አገነድ ፈራቐው
የጝ፡፡

ሽልሜዙ እርወነ ጎነድ ኽረ ዊንም
ግድር የጝ፡፡ ምልክተንድም ንየስ የው
አውር ሲረሲረ፣ እል ስረነውዝመ እረⶓ
ባቑረነው፣ ቀርቭርዙ ሽፍተ፣ ብርት፣
እቑሰነውዝመ ጎይተዝ ጛይ፡፡
ፅውዘይዝ አጋልሽተነውዙ አገነ
ፃየቊድ ቈሽ 4-12 እርፊል ፅበቊ መልቊ፣
ኹረዙ እጅጝት ፃየቊ፣ ቈሽተተ ፅውዘ
ፃየቊ HIV፣ ካንሰርዝጘ የቊ ፃየቊ እቅ፣
ቫይታሚን “ኤ” እጅጝት ፃየቊዝመ
ሽልሜዙ ክትቫት ፊስየቊ እፈር ጛይ፡፡
ሽልሜዙ ቫይረስ ሲቭዙ ምች፣
ማኽለኘ ቀርዝዙ ኢንፌክሽን፣ ጛዙ
አቕርን፣ እዘንዙ ፅውዘዝመ ጎይተዙ
ፅውዘዝ አጋልሽትጠ ቸለኲ፡፡
ኢትዮጵየቱ ትኽነ ፖሊሲ ቓዘነዊዙ
ኽክምነይሽጙ ቃውስን ማኽተነዊል
ሲሪሸው የጝ፤ አነ ጚ ፃውተይዙ ችግሰይዝ
ምላሰን ሽወንድ ቃውስን እግዝግዘናንስ
ግነ ቸልሽየውም፡፡
እግረ እን ፅውዘድ ቺተቺተቊ
ምላሰናንዝ ወይ ኽምረ ብሔረ እቅ