ንዋየ ቅዱሳኒዝመ ጝታ እክሰይዝ

ኽየው መፃፍ ቅዱሲዝ አይር ኪዳኒል
እቊርሸውድ ቓሊሰንትጘ ሉቃስት ወንጌሊል
ሊቃስ 2፥7 ትል መንፈስ ቅዱስት ባኽሪዝ፤
ድንግል ማርያምት ሽሊል /ማሕፀን/
ጊዝውርሽም ድንግል ማርያምት ስየየዝ ስየ ጝር
ኒቭሲስም ኒቭስ ፊሰ /ነስቶ/ ቤተልሔም ቅመ
መድሪል እኹርሹ፡፡ ስረንትንዝ ተዋህዶ እጅር
አምላክ አምላክም እጅር አቑ፡፡ ማቴ 3፥23-37
ፃፍሽጘድ እጅሩ ባኽሪም ፃይ ሊግዙ፡፡ ስውርጝ
እምት እቻቓንድም ፈለገ ዮርዳኖስ ይሽተው
ዊርቨይል ዮሐንስት ናኒዝ ጣምቅሹ፡፡ እግርገም
ቆሮንጦስ ይሽተው ገዳሚል ፊር ሲዝርጝን
ግርቅ ኻር ጊርቀ ፃም ቓሊስኩ፡፡ ማቴ3፥13-17
ቊሽ 12 ክንደጥ፣ 72 አርድዓተንዝመ ዋልጠ
ቅዱሳንድ ማርፁ፡፡ አይር ኽገ ወንጌልድም ሻቘ
እምትዝመ ሻቘ እርፍዝ ክንሱ፡፡ አስነይዝም
ሚስቅሊል ሲቅልሽ ጝክረነውድ ማር 15፥23-
37 ይል ቓለነው ቸልሽኩ፡፡
እደረ ኢየሱስ ክርስቶስ ሚስቅሊል
ሲቅልሽ ጝስየድ ነዩ፤ ቅዱስ ጝብርድ ቅብሱ::
ኪብርሽረይ ጝኒቭስየንትም ጝፍቃዲዝ
ዲቁስ ይወኲ፡፡ እኒንትም ፃቨውድ ጝቺነይዝ
(በቤዛነቱ) እጅር ኹርት ኃጢያቲዝ ፊስጠ /
ቓዝጠ/ የጝ፤ ምላሰንድም እጅር ኹር እንቅ
ይፀይዙ ስየ /ማርገምስጋ/፣ ይፀይዙ ሩሔዝ /
መርገመ ነፍስ/ ፃይሽ ዊነነውድ የጝ፡፡ ፋጥረው
እደረ ፍጘጘ ዋጥሪንቀት፣ ሊቭጘጘ ጉይንቀት
እዳጝነ” ይንቀት እጅር ኹርድ ቓዘናንስ
ሰማየ ሰማያቲስ ጊሙ፡፡ ማቴ 18፥12-14
ንየይል ቓሊስነዝጘ እደረ ኢየሱስ ክርስቶስ
ሲማያቲስ ጊም ድንግል ማርያምትል ጊዙረድ
ሲቅልሽጥዊል አሽ ጝነ ምከንሽን አሩሽረቊ
ስረተኒዝመ ንዋየ ቅዱሰን እኩጙ፡፡ እነ አሩሽነ