ስዛዙ ወየ

19ትረ አድለ ዚምን አሰነይዝ ስዛዝ
ጨቊዙ ዋቕረድ ንቕፀው መስዋትነይ
ኪፍልሽ ቺተቺተቊ ይና ዓልምሸንትል
ፅበቊ ኻግራኒል ችጝሸቊ ስዛዝ ጨቊዝ
ዋቕረ አቕ እርከ አቢሰተ ሽሹድንዝ 1886
ዓ.ስ አውሮፕቅዙ እግዝኒዝጘ ገረደዝ
ፅርሽ ሰቭተነ ግርየዙ ሰትዝመ ኪፍልሸው
ጊንዝቭ እንዝጘም ፈወነ ግርቅድ ቺትጛንስ
ፃቭሽትኲ፡፡
ሰራሰተዝመ ሰቭተተይዙ ኽግ ላጥ
ኽጋኒስ ስኻርድ ጣቅ ዚምናኒስ ፈቊስ
ላውድ የጝ፡፡ ጎንድ ካፒታሊስቲዙ ስረትድ
ቲክን ስዛዝ ጨጢል /ሰቭተጢል/ ችጛጙ
ዊነው ቘጨድ እዳዘናንስ ሲሪሸው ኽግዙ
አድለ የጝ፡፡ እን ኽጊዙ ዚርፍድ ሶሻሊስተኒዙ
ርእዮትድ ቲክነቊ አውሮፓት ኻግራኒዝ
ሰቭተጢዙ ሚቭቲል ጭቑ ፃቭሽተው ዊኑ፤
አነ ጚ ነን ነን ግነ ኢንቭስትመንትዙ ፈራቕንድ
በነነዊዙ ጋቢዝ ንቕፀቊ አልምት አድለንድ
ሊጘ ዊግነኒዙ ሰቭዙ ዲምቅሸንድ የነትም
ሰቭተተይዙ ሚቭተንዝመ ሰራሰተይዙ
አርወድ ኪብርዘው አቕንትዝ እንቅም
ዓልምት ኻግራኒል ኽግ ፍኲ፡፡
ይና ኻግር ኢትዮጵየትል አቕሽ
1967 ዓ.ስዝ ስዛዝ ጨቊድ ጝታ ሚቭት
ኪብርዝጛንስ ጀረርተዝ ፍጝ ንቕፀቊ ዊግን
ምጝግስትዙ ፃውተዙ ኻይሊዝ መስዋትነይ
ኪፍልጝኩጙ፤ ነን ሰቭል ፅበው ሰራሰተዝመ
ሰቭተተይዙ ኻለይ ቕየ እግዘ 377/1996
ሊጘ ዊግኒዙ ሚቭትዝመ ግዴተኒል ሲሪሽ
ጝታ ማኽሊል ኢንዱስትሪዙ ዲግድ
ነሰነውዝመ እንዝጘም ኻግርሸንቱ እፍርትዙ
ፍልውልወይል ጝታ ችጘሩድ ፍጛንስ
ቸልሰው የጝ፡፡
ኽምጠ ዊከም ንጭቱ ጝር ገረዱ
ዲቭየይዝ ዓልም አቅቨ ሰቭተጥዙ ግርየድ
ምላሰን ፃቨነውዝ ወይ ኽምረ ብሔረ እቅ
ጭሰጭሰንል ችጝሸቊ ሰቭተጥ ነይጘው
ቓለድ አንቭቭስተ ቀንች፡፡
ክንሰተ አዝመራው ሞላ ስሃለ ሰየምት
ወረደ መሸሃ ቃውሰተዝመ ማኽለኘ ክንድጝ
ጝኒል ክንሰተ ጛይ፡፡ “እን ግርየድ ስዛዝ
ጨቊድ ፃጀ ጒይጢዝ ትክቭሽጘው ግርየድ