ወንጨዝ እክልዳው ስፔንት አጉረው ክለቭድ

ስፔንትል ካርተይዝ ጭቚ አቒጝቀ
አውሮፓት ዝቨይል እኲጝ ይሽተቍ
አጒረቍ ልኰ ኳስ ክለቨኒስ ላውድ የጝ።
ጝሽⶔድ ጒይሻንድም ላው ክለቭ ፃይጠ
ጥውሸቍ ወንጭጥዝመ ሪከርደንድ
ላብጠ ጒይሺጝቀ ዳቓቊም። ክለቪዝ
ሽⶔድ ጭቚ አቒጝቀስ ዚምኑ ልኰ ኳስዙ
ዓልሚዝ አርቕሽተቊ፣ ቀንሸቍዝመ
አውልም አልምሸንትቊ ክለቨንድ
ተምዝጘቍ ፅግልውጥ ዋርደጥድም ጝጅቅ
ጒይሽጘኲ።
እንዛጊስ ማኽሊዝ ይና ዚምኒዝ
እትለው፤ ሊዮኔል ሜሲጅቅ
ቲክርክርሸነውዝ አርቕሽተው ልኰ ኳስ
ፅግልወድ ክርስትያኖ ሮናልዶ ጝሸጙድ
ኢምሰቍስ ላውድ አቐጘ አርቕሽተኩ።
እንዝቆሽም ካሪም ቤንዜማ፣ ሉካ
ሞድሪች፣ ሰርጂዮ ራሞስመ ላጥ ፅግልውጥ
ዋርደጥድም እን ክለቪዝ ጝታ ስዛድ
ቅብስጝ፤ ጝታ ግርቭድ መውዝጝ ወየ
ኪፍልጝኲጝ።