ጋዝጊቭለት አስልንዝ ፅቃ ግርቅዝ ፃጝሽታጙ ዊነው 9ትረ እንቅ ወይቱ ዚምኑ ስፖርትድ ዲግዝ ኻትሽኲ። እንዝም ሲርየ ወረድጥድ ቲክነው ፈንድ ሚዝግቭሰነውዝ ቈድሽጝኩጙ።
እቁንዙ ቮሊቮል ዋርደይዝ ድሃነ ወረደ 1ትረ ፈነውዝ ዊርቀ ፊሳንድ ኮረም ፣ ዘተስመ ወፍላ አይምረ እንዝጘም ጋዝጊብለ ነሀስ ፊስጝኩጙ። ተከተከውዝ ግልቊዙ ዋርደይዝም ድሃነ ወረደ ዊርቀ ፊሰው አቓንድ ሳቁጠ ወረደ አይምረ እንዝጘም ጋዝ ጊቭለ ወረደ ንሐስዙ ሜዳሊያ ፊስጝኩጙ።
ጥቅለ ኦሎምፒክ ስፖርትዙ ቲክርክረይዝ 1ትረ ሳቁጠ ወረደ፣ 2ትረ አቭርገሊ ወረደዝመ 3ትረ ጋዝጊቭለ አቐነውዝ አስጛንድ፤ ፃየፃይሽተውዝ ፓራ ኦሎምፒኪዝ 1ትረ ሳቁጠ ኻትመ ጭሰጭሰን፣ 2ትረ አቭርገሊ ወረደ እንዝጘም 3ትረ ጋዝጊቭለ ወረደ አቐነውዝ አስጝኩጙ።
ግልቁዙ ጓነ ዳርት ዋርደይዝ 1ትረ ሰሀላ ሰየምት ወረደ ዊርቀ ፊሳንድ ዝቋለ ወረደ አይምረ እንዝጘም አበርገሌ ወረደ ነሀስ ፊስጝኩጙ። እኒጅቅ ፃየፃይሽተውዝ እቁኒዝ ቈሽ ሰሀላ ሰየምት ዊርቀ፣ አቨርገሌ ወረደ አይምረዝመ ድሃነ ወረደ ነሀስ ቈድሽጝኩጙ።
ፃምርሸው ግልቊዝ ዝቛለ 1ትረ ፈነውዝ ዊርቀ፣ሰሀላ ሰየምት አይምረ እንዝጘም ጋዝጊብለ ወረደ ነሀስ ፊሰቊ አጛንድ፤ ግልቁዙ ናፀለ ዋርደይዝ ሰሀላ ሰየምትስ አብርሃም ማሞ ዊርቀ፣ዝቛለስ አገሸይ አይምረ 3ትረ ተግ ፃየነውዝ ቈሽ ሳቁጠስ በላይ ታረቀ ነሀስ ችጝጝኩጙ።
ናፀለ እቁኒዝዊስ 1ትረ ዝቛለ ወረደስ ህይወት አሰፋ ዊርቀ፣ 2ትረ ሳቁጠ ወረደስ ነፃነት አዲስ አይምረ እንዝጘም 3ትረ ሳቁጠ ኻትመይስ አልማዝ አሰፋ ነሀስ ችጝጝኩጙ።
ሊግዘጥ ውሸብሊዝም ሊጘ ፆተኒዝቅ አክኑሸው አቓንድ፤ ናፀለ ግልቍዝ አቨርገሌስ ወ/ኪሮስ ማሩ ዊርቀ፣ ዝቛለስ አዳነ ወዳጅ አይምረ፣ ጋዝጊቭለ አምሀ እንደጊዜው ዘለቀ ነሀስ እንዝጘም እቁን ሊግዘጥዙ ናፀለይዝ ጋዝጊቭለስ አፀደ ጌታወይ ዊርቀ፣ ድሃነ ወረደይስ ቅድስት አገኘሁ አይምረ
ሳቁጠ ኻትመይስ ትግስት አስማረ ነሀስ ቈድሽጝኩጙ።
ሊጘ ፆተኒዙ ፃምርሽን ሊግዘጥ ውሸብሊዝ ሰሀላ ሰየምት ፀሀይ አዛናው ስመ አለምየ ደሴስ ዊርቀ፣ ዝቛለ ወረደይስ አዳነ ስመ ሶሎኒያ አይምረ እንዝጘም ጋዝጊቭለ ወረደይስ አፀደ ጌታወይ ስመ አምሀ እንደጊዜው ዘለቀ ነሀስ ፊስጝኩጙ።
ዳርት ዋርደይዝ ሜዳሊያዙ ዝርዝርድ ቓልናንድ፦ ጋዝጊቭለ 1 ዊርቀዝመ 3 ነሀስ፣ሰሀላ 4 ዊርቀዝመ 1 አይምረ፣ ዝቋለ 2 ዊርቀ ዝመ 5 አይምረ፤ አበርገሌ 1 ዊርቀ፣ 1 አይምረ ዝመ 2 ነሀስ፣ ድሃነ 1 ዊርቀ ዝመ 2 ነሀስ፤ ሳቁጠ ወረደ 1 ዊርቀ፣ 1 አይምረዝመ 1 ነሀስ፣ ሳቁጠ ኻትመ 1 አይምረዝመ 1 ነሀስ ፊስጝኩጙ።
ወይ ኽምረ ብሔረ እቅ ጭሰጭሰን ጋዝጊቭለ ወረደይዙ አስልንዝ ፅቃ ግርቅዝ ፃጝሽታጙ ዊነው 9ትረ እንቅ ወይቱ ዚምኑ ስፖርትድ ኻትሽኲ። እንዝም ጥቅለ ስፖርትዝቁ አይንተኒዝ 1ትረ ሳቁጠ ወረደ፣ 2ትረ አቨርገሌ ስመ 3ትረዝ ጋዝጊቭለ ፈነውዝ ቲክርክረድ ኻትሽኲ።
ኪሮስ ወ/ተንሳይ
ለካቲት 15/2017
