ዓምረ ጨቨቅ ጝታ ሲትፍሽጘው ስፖርቲዙ አይንቲዝ እሩደው ጊዝ ዲቁሰቁ ስፖርተኝጥድ ቺዝ ቘደው ላውሪንስ አዋርድ ሲሪሸውድ አ.እ.ዝጘ 2000 (ሚሊኒየምሚዝ) ፈረንሳይ ሞናኮትል የጝ። እን ቈድንድ አምረ ጨቨቅ ቺተቺተው ስፖርትዙ ዚርፊዝ ሊጘ ፆተይዝቅ እሩደው ጊዝ ዲቁሰቁ ስፖርተኝጥድ ቘደነውዝ አርቕሽተው አቓንድ፤ ኪርመት 25 እምታን እጊስኲ። እን አምረይዝም ፃጝዘው ቈድንዴንትም አ.እ.ዝጘ መዝየ 21/2025 ስፔን ማድራር ኻትመይል አርቕሽተው አቐጘ ኻይሽተኲ። ኰሪዙ ኻቐተድ አርቕሽትጥዊል አሽ ኔዘር ላንድትስ ውጢረይ እኹርሽንዝ ቈሽ ኢትዮጲወ አትሌት ሲፈን ሀሰንት ቈሽጝ ፓሪስት ኦሎምፒኪዝ ዊርቀ ችጘቊ ዋልጠ አትሌተን ወግሽተነውድ ላውሪንስ(ሎሮዩስ) አዋርድ ጝ ገረዱ ጋፂዝ አርቒስኲ። ሲፈን ሀሰንት ቈሸዝ ኬንያትወሸን ፌዝ ኬፕየጎስ፣ አሜሪካትቊ ሜክ ላህሊን፣ ሌብሮድንስመ ሲመን ላይልስ እንዝጘም ሴንትሉቺያትወሸን ጁሊያን አልፋሬዝ እቁኒዝ ወግሽተጥ አቕጝኩጙ። ላጝጠ ስፖርትዙ ዚርፈኒዝቅ ግልቊዝ ወግሽተጥድ ቈሽ ስዊዘርላንድቱ ሙንዶ ዱፕላቲስ አትሌቲክስዝ፣ ቦትስዋናቱ ሌትሲል ቴቦጎት፣ ስፔንቱ ካርሎስ አልካራስ ቴንስዝ፣ ፈረንሳይቱ ሊዮን ማርቻንድ አቑ በብንዝ፣ ሶልቫንያቱ ታዶጅፓጋከር ብስክሌትዝ፣ ኔዘርላንድቱ ማክስ ቨርስታፕን ሞተር ሳይክልዝ አቐነውድ ሚዝረድ ቓሊሰኲ። ላዘ ጋቢዝ ቈሽ ጓነዝ ወግሽተቁድ ቓልናንድ፤ ዩኤስ ኤስ/USA/ ቦስተን ሴልቲክ ቅርጫትዙ ኳስዝ፣ ስፔንስ ኤፍ ሲ ባርሴሎና እቁንዙ ቅርጫት ኳስዝ፣ ዩኬስ(UK) ማክለሪን ፎርሙላ1 ጓነ ሞተር ሪሲንግዝ፣ ስፔንስ ግልቁዙ ስፔንቱ ልኰ ኳስዙ ጓነ፣ እቁንዙ ስፔንቱ ልኰ ኳስዙ ጓነ፣ ስፔንስ ሪያል ማድሪድ ግልቁዙ ልኰ ኳስዝ፣ ዩኤስኤስ /USA/ ግልቁዙ ቅርጫት ኳስ ወግሽተጥ አቐነውድ ላውሪንስ ጝገረዱ ጋፂዝ ፊሰው ሚዝረድ ቓሊሰኲ።
ኪሮስ ወ/ተንሳይ
ለካቲት 30/2017
