Bulchiinsi magaalaa Kamisee
wiirtuu bulchiinsa sablammii Oro-
moo yoo taatu, akkuma magaalota
biroo yeroodhaa yerootti saffisaan
babal’achuutti argamti. Magaalattiin
jireenya ilma namaaf haala qilleensaa
mijaawaa kan qabdu akka taate kan-
neen keessa jiraatanii beekan ragaa
ba’u. Magaalaa qulqulluu qilleensa
mijataa fayyummaa jiruufi jireenya
dhala namaaf mijattuu taate keessa
jiraachuun kan danda’amu ammoo
qulqullinaa magaalattii eeguun yoo
danda’amedha. Akkasumas, magaa-
laan tokko miidhagduufi hawwat-
tuu ta’uu kan dandeessu deggersa
mootummaan cinaatti hirmaannaan
hawaasa magaalattii keessa jiraatuu
barbaachisaa akka ta’e ni beekama.
Magaalaan Kamisee miidhagi-
naafi qulqullina guddina ishee
madaalu akka qabaattu gochuuf so-
chiin taasifamaa jiru abdachiisaa-
dha. Bara baajataa kanatti hawwat-
tummaafi miidhagina magaalattii
guddisuuf bu’uuraalee misoomaa
garaagaraa birrii miiliyoona 128
oliin hojjetamaa jiraachuu ragaan
Waajjira Bu’uura Misoomaa Bulchi-
insa magaalaa Kamisee irraa argame
ni addeessa.
Dhiheenyaan asitti duulli qulqul-
lina magaalaa jiraattota hirmaachise
sadarkaa mootummaatti labsamuu
hordofee jiraattonni magaalattii
duula qulqullina magaalaa irratti
hirmaachaa jiraachuufi magaalat-
tiitti jijjiiramni mul’achaa dhufuu
jiraattonni dubbisne tokko tokko ni
dubbatu. Obbo Ahmad Bashir ji-
raataa magaalaa Kamisee ganda 05
yoo ta’an, bulchiinsi magaalaa Ka-
misee wiirtuu bulchiinsa sablammii
Oromoo taatee osoo jirtuu guddin-
niifi hawwattummaan ishee gahaa
miti jedhaniiru.
Haata’u malee, hojiin wag-
goota lamaa asitti qulqullinaafi
hawwattummaa magaalattii dabal-
uuf hojjetamaa jiru kan baroota
darbanii waliin wal bira qabamee
yoo ilaalamu fooyyee qabaachuu
ajaa’ibsiifatanii dubbatu. Yeroo
ammaa kana daandiiwwan keessoo
keessoofi bakkeewwan magariisaa
magaalaa keenya keessatti hojj-
etamaa jiran sadarkaa gaarii irratti
argamu kan jedhan jiraataan kun,
hojiin bu’uuraalee misoomaa adda
addaa kunneen yeroo xumuramanitti
hawwattummaa fuullee magaalattii
kan dabalan ta’uu himaniiru.
Magaalaa qulqullina ishee ee-
gee kan bareechatu jiraataadhuma
magaalattii malee qaamni biroon hin
jiru kan jedhan obbo Ahmad, hoji-
ilee misoomaa magaalaa Kamisee
keessatti taasifamaa jirurratti dam-
maqinaan hirmaachaa akka jiraniifi
fuulduraafis cimanii kan itti fufan
ta’uu addeessaniiru.
“Nutis akka jiraataatti torban
keessaa guyyaa lama duulaan baa-
nee magaalaa ni qulqulleessina; balfa
dhangala’aafi gogaarraas magaala
keenya bilisa gochuu keessatti ga-
