በዝማሬ የሚግባቡት

ትንንሽ የዓእዋፍ ዝርያዎች  የሚያሰሙት ዝማሬ ምንነታቸውን በማስተዋወቅ አጣማጅ ለማግኘት እና መኖሪያ ቀጣናቸውን ከጥቃት ለመከላከል ወሳኝ ሚና እንደሚጫወት ሳይንስ ዴይሊ ድረ ገጽ ባለፈው ሳምንት ለንባብ አብቅቶታል::

በአውስትራሊያ የፍሊንደር ዩኒቨርሲቲ ተመራማሪው ዶክተር ኮሎምቤሊ ኔግሬል ባደረጉት ጥናት በአእዋፍ ዝማሬ ውስጥ የፆታ ማሳወቂያ፣ የአካል ብቃት ሁኔታ እና መኖሪያ ወይም መገኛ ቀጣናን ከጥቃት ለመከላከል መልእክት እንደሚተላለፍበት ነው ያረጋገጡት::

የዓእዋፍ ምንነት ሲባል ያሉበት ሁኔታ፣ አካላዊ ደረጃቸውን፣ ውስጣዊ ባህሪ – ንዴት፣ ቁጡነት ወ.ዘ.ተ.ን ፊት ለፊታቸው መስታዉት በማኖር መገምገም መቻላቸውን ነው ያስረዱት – ተመራማሪው:: በዚህም ከፆታ ልዩነት እና የአኗኗር ደረጃ (ታዳጊ፣ ጥንድ ወ.ዘ.ተ) ከግምት ውስጥ ሳይገባ አጣማጅ የሚሹ ወይም የሚፈልጉቱ በዝማሬያቸው ውስጥ ከማይፈልጉት የበለጠ የተለያዩ መገለጫዎች ያሏቸው መሆኑን ደርሰውበታል::

ተመራማሪው አክለውም በአብዛኛው ጠበኛ ትንንሽ ወፎች የሚያሰሙት ዝማሬ ድምፀት አጫጭር መሆኑን ክትትል ከተደረገባቸው መገንዘባቸውን ነው ያረጋገጡት:: በጥናታቸው የዓእዋፍ ፆታዊ ምልክቶች ወይም መለያዎች ከሚያሳዩት ስሜት (ባህሪ) ጋር የሚገናኝ እና የአካል ብቃት ደረጃን ሊገልፅ እንደሚችል ነው የተገነዘቡት::

ሁለቱንም ፆታ አካቶ አጣማጅ በሚሹበት ወቅት የሚያሳዩትን ቁጡነት ወ.ዘ.ተ ወፎቹ  ለጥናቱ ከተያዙበት በአጭር እና ረዢም ጊዜ መስታውት ፊት ለፊት ክትትል ተካሂዶባቸዋል- በአጥኚዎቹ:: ከዚህ ባሻገር በጥናቱ ናሙና የተካተቱ ከውስን ቦታ ውጪ ተለቀው ለወራት የሚያሰሙትን ዝማሬ በመቅረፀ ድምፅ በመቅዳት የየአንዳንዱን ዝማሬ ልዩነት እና ውስብስብነት ለመለየት ጥረት አድርገዋል- ተመራማሪዎች::

በደቡብ አውስትራሊያ የአእዋፍ የምርምር ቡድን ዳይሬክተሩ እንዳብራሩት በውስን ቤተሙከራ ከፊሎቹን ለአጭር  እና ለረጅም ቀናት በማገት እንዲሁም ለወራት በመስክ የመቅረጫ መሳሪያዎችን በመጠቀም ዝማሬያቸው ተሰብስቦ ተሰንዷል::

የተሰበሰበውን የድምፅ መረጃ እና የምስል ቀረፃ በማገናኘት ከተካሄደው ጥልቅ ትንተና የወፎች ዝማሬያቻው ምንነታቸውን በማስተዋወቅ አጣማጅ ለማግኘት እና መኖሪያ ግዛታቸውን ከጥቃት ለመከላከል ወሳኝ መሆኑ ነው በማጠቃለያነት ለንባብ የበቃው::

(ታምራት ሲሳይ)

በኲር የሚያዝያ 20 ቀን 2017 ዓ.ም ዕትም