አዛውንቱ የከባድ መኪና አሽከርካሪ

የ90 ዓመቱ አዛውንት ከዓለም አቀፉ የክብረ ወሰን መዝጋቢ ድርጅት በእድሜ አንጋፋው የጭነት መኪና አሽከርካሪ መሆናቸውን የሚያረጋግጥ የምስክር ወረቀት ማግኘታቸውን ዩፒ አይ ድረ ገጽ  ለንባብ አብቅቶታል::

የ90 ዓመቱ አዛውንት ዴይሊ አርቸር ላለፉት 60 ዓመታት ከባድ መኪና በማሽከርከር ላይ ያሉ የዕድሜ ባለፀጋ መሆናቸውን አረጋግጦ ለክብረወሰን አብቅቷቸዋል- የዓለም ክብረ ወሰን መዝጋቢው ድርጅት::

ላለፉት የመጨረሻዎቹ 20 ዓመታት ከፊልፕስ በርግ “comes.inc”  ለተሰኘ ድርጅት ከባድ መኪና ያሽከረከሩ መሆናቸውን አረጋግጧል- ድርጅቱ:: በአጠቃለይ ላለፉት 60 ዓመታት ስምንት ሚሊዮን ስምንት መቶ ሺህ ኪሎ ሜትር የሚሸፍን ርቀት ማሽከርከራቸውንም ነው ድረ ገፁ ለንባብ ያበቃው::

አዛውንቱ የከባድ መኪና አሽከርካሪ ዴይሊ አርቸር “አሁንም በህይወት እስካለሁ ድረስ ማሽከርከሬን አላቆምም:: በእኔ አእምሮ ጡረተኛ የሚል ቃል አልተመዘገበም” ብለዋል::

(ታምራት ሲሳይ)

በኲር ሰኔ 3 ቀን 2016 ዓ.ም ዕትም