አዲሱ ዘላቂ አማራጭ

በቆሻሻ ማጠራቀሚያ የሚጣል ከፍተኛ መጠን ያለውን  ያገለገለ ጐማ በተለመደው ዳግም ለተመሳሳይ አገልግሎት የማዋል ሂደት ከሚያስከትለው ብክለት በፀዳ አዲስ ዘላቂ  አማራጭ ጥቅም ላይ ማዋል እንደሚቻል  ሳይንስ ዴይሊ ድረገጽ አስነብቧል::

በአሜሪካ የሰሜን ካሮላይና ዩኒቨርሲቲ ለንባብ እንዳበቃው በአገሪቱ በ2021 እ.አ.አ ብቻ 274 ሚሊዬን ጐማ አገልግሎት ላይ ውሏል:: ከዚህ  ውስጥ አንድ አመስተኛው በቆሻሻ ሲጣል ቀሪው ዳግም ለተመሳሳይ አገልግሎት እንዲውል ተደርጓል::

የካሮላይና ዩኒቨርሲቲ ተመራማራዎች ግን በቆሻሻ ጉድጓዶች የሚጣለውን ያገለገለ ጐማ በአዲስ ስልት በዘላቂ አማራጭ አገልግሎት ላይ የማዋል የምርምር ውጤትን ነው ይፋ ያደረጉት:: በዚህም

ዶክተር አሌክሳንደር ዚክሆቪትስኪ፣ ዌልያም አርኬናን እና ሌሎች ባልደረቦቻቸው ያገለገለ ጐማን ለማጣበቂያ ሙጫ (EPOXY RESINS) ማዋል የሚያስችል አዲስ ዘላቂ አማራጭን አስተዋውቀዋል::

እስከ አሁን ሲሰራበት የነበረው በዋናነት ያገለገለ ጐማን  ለዳግም አገልግሎት በማብቃቱ ሂደት  “በፖሊመር” ስሪት ውስብስብነት የተነሳ ጥቅም ላይ ማዋል አስቸጋሪ እንደነበረም ነው የተመላከተው::

በዚሁ የኘላስቲክ የጀርባ አጥንት የሆነውን ማጠንከሪያ ይዘቱን ለማላላት የመሞከር ሂደት ዝቅተኛ እሴት ያለው ውጤትን ማስገኘቱም ነው በአሉታዊነት እጥረት ሆኖ የሰፈረው::

በመጨረሻም ዋና ተመራማሪ እና የምርምር ቡድኑ መሪ ዶ/ር ዙክሆቪትስኪ አዲሱ የምርምር ስራቸው ከዚህ በፊት የተጠቀሱትን ፈተናዎች በአሸናፊነት ለመወጣት የሚያስችል ስልት መሆኑን ነው አፅንኦት ሰጥተው ያሰመሩበት::

(ታምራት ሲሳይ)

በኲር የመጋቢት 29 ቀን 2017 ዓ.ም ዕትም