Mana Maree Bakka Bu’oota Uummataafi Mana Maree Federeeshinii yaa’ii waliinii isaanii gaggeessaniiru.
Sagantaa baniinsa yaa’ii waliinii manneen maree lamaan irratti Pirezidaantiin RFDI Taayyee Atsiqesillaasee haasaa taasisaniiru
Haasaa isaaniitiin Itoophiyaan tokkummaa sabootaafi sablammoota ishee kan hin raafamne irratti hundaa’uun akka cimtee dhaabbattu, lammiileen ishees badhaadhina biyyaatiif mul’ata qaban, hawwii cimaa qaban, akkasumas dhaloota boruu yaadachuun hafuura tajaajilummaa keessatti tattaafatan akka ta’aniif carraaqqiin taasifama jedhan.
Gad-fageenya yaadaa, sadarkaa beekumsaa, olka’iinsa naamusaa, abbummaa yaadaafi kaka’umsa hojii raawwachuu qabeenya keenya isa ijoofi madda humnaa keenya akka ta’an jedhaniiru.
Akka hambaa siyaasaa biyya keenyaa keessatti baratameetti, jeequmsa, fincilaafi daandii walitti bu’iinsaa kan hambaa siyaasaa ta’e irraa bilisa ba’uun akka barbaachisu kaasaniiru.“Aadaa qawweefi maraan martoo hidhannoo dhaabbataan hambisuu qabna” jedhan.
Muuxannoon siyaasaa keenya nagaa, marii, beekumsaafi wal dhaggeeffachuu irratti akka hundaa’uuf mootummaa irraa xiyyeeffannoon olaanaan akka kennamu ibsaniiru. Kanaafis, adeemsa marii biyyaalessaa keessatti yaadawwan biyyaalessaa mariidhaan dagaagan gara hojiitti akka hiikaman ni taasifama jedhan.
Mootummaan hawaasa malaammaltummaafi hattuu ciminaan mormu uumuuf tarkaanfiiwwan jalqabe cimsuun akka itti fufu ibsaniiru.
Nagaan, guddinni, badhaadhinniifi tokkummaan kan Itoophiyaa madaaluu waan ta’eef, seeraafi walitti bu’iinsa qopheessuu yaadotaafi ilaalchawwan sammuu keessatti uumaman mootummaan ciminaan ni morma jedhan.
Yaadni Itoophiyaa ta’uu gufuuwwan adda addaan hin gufatu; uummanni Itoophiyaa yeroo hunda dhugaafi seenaa waliin kan hiriiru, uummata hubataa ta’uus addeessan. Mootummaanis gatii kana kabajee akka kabachiisu mirkaneessaniiru.
Moosisaa Fufaatiin
