Waancaan addunyaa akka lakkoofsa Awuroppaa bara 2026 Ameerikaa, Kanaadaafi Meeksikootiin kan qophaa’udha. Dorgommicha irratti biyyoonni 48 ni hirmaatu jedhamee eegama. Biyyoota 54 kan qabdu Afrikaan Eertiraan fedhii isheetiin waan keessaa baateef biyyoonni 53 ramaddii sagalitti qoodamuun tapha gulaallii taphachaa jiru. Hanga ammaatti biyyoonni kunneen tapha saddeet taphataniiru. Ramaddii isaanii keessaa biyyoonni tokkoffaa bahuun taphicha xumuran kallattiidhaan waancaa addunyaa 2026 irratti ni hirmaatu. Biyyi lammaffaa qabxii fooyyee qabu galmeesse kurnaffaa irratti Afrikaa bakka bu’ee ni taphata. Masiriin ramaddii tokkoffaa qabxii 20fi goolii 14 galchuun dursaa jirti.
Haaluma kanaan, Burkiinaa Faasoo qabxii 15 fi goolii 12 galchuun sadarkaa 2ffaa irratti argamti. Taphni ramaddii tokkoffaa keessaa Itoophiyaafi Jibuutiin taphatan saganticha guutuuf malee gamanumaan akka irratti hin hirmaanne adda baafatanii jiru. Ramaddii lammaffaa keessaa mmoo Senegaal qabxii 18 fi goolii 10 dursaa jirti. Rippabiliikiin Dimookiraatawaa Koongoo qabxii 16n, Sudaan ammoo qabxii 12n itti aananii jiru. Toogoo, Mooriitaaniyaafi Sudaan Kibbaa kanaan dura tapha ala ta’uu isaanii adda baafataniiru. Ramaddii sadaffaatiin Afrikaan Kibbaa qabxii 17 fi goolii saddeet galmeessisuun dursaa jirti. Naayijeeriyaan qabxii 11 fi goolii lama galchuun itti aanti. Beeniiniifi Ruwaandaan tokkoon tokkoon isaanii qabxii 11 galmeessisaniiru. Zimbaabuween duraanuu keessaa baateetti.
Keeppi Verdee garee 4ffaa 19 fi shan qulqulluun yoo dursu, Kaameeruun ammoo qabxii 15 fi 10 goolii galmeessisuun dursaa jirti. Moorookoon garee shanaffaa irraa qabxii 21 fi kubbaawwan 19 mijeessee kennuu isheetiin waancaa addunyaatiif darbuu ishee mirkaneeffachuun ishee ni yaadatama. Akkasumas Kootidivaar qabxii 20 fi kubbaawwan 15 mijeessitee kennuudhaan garee jahaffaa dursaa jirti. Gaaboon qabxii 19 fi kubbaawwan 10 mijeessee kennuudhaan itti aanee jirti. Gaambiyaa, Burundii, Keeniyaafi Siisheel taphoota isaanii yeroon xumuraniiru. Garee 7ffaan Aljeeriyaa qabxii 19n, Yugaandaafi Mozaambiik qabxii 15n dursaa kan jiran yoo ta’u, hundi isaanii kubbaa 15 mijeessanii kennuudhaan addaan ba’aniiru. Somaaliyaan garee kana jala jirti.
Garee saddeet irraa qabxii 22 fi kubbaawwan 13 mijeessitee kennuun kan darbite Tuuniziyaan garee waancaa addunyaaf darbu qofaadha. Naamibiyaan qabxii 15n itti aanee jirti. Saa’oo Toomeefi Pirincippee qabxii tokko malee garee kana keessaa ba’aniiru. Gaanaan qabxii 19 fi kubbaawwan 11 mijeessitee kennuudhaan dursaa jirti. Madagaskaar qabxii 16 fi kubbaawwan 7 mijeessitee kennuudhaan sadarkaa lammaffaa irra jirti. Rippabilikni Giddugaleessa Afrikaafi Chaad kanaan dura tapha waancaa addunyaa ala ta’anii jiru. Gaaboon, Maadagaaskar, Kaameeruun, Senegaal, Yugaandaa, Burkinaa Faasoo, Naamibiyaafi Beeniin garee kana keessatti bakka argachuuf kan jaallataman ta’uu BBCn gabaaseera.
